Салиев Муратжан Мухаммадович

Тиббиёт фанлари номзоди, катта илмий ходим

Олий тоифали врач травматолог-ортопед

Бўлим рахбари

Профессионал қизиқишлари соҳаси:

Болалар ва ўсмирларда суяк калталиклари ва қийшиқликларини даволаш

Компрессионно-дистракцион остеосинтез

Сколиозни даволаш

Таянч-ҳаракат тизимининг яхши сифатли ўсмалари

Маълумоти ва меҳнат фаолияти:

· 1982 йил –Тошкент медицина институти

· 1982-83 йй. – Травматология ва ортопедия институти, интернатура

· 1983 йил – шу институтда врач-ординатор

· 1985 йил – кичик илмий ходим

· 1991 йил – катта илмий ходим

· 1993 йил – институт директорининг илмий ишлар бўйича муовини

Ташкилий фаолияти:

· 2003 йил – ўсмирлар ортопедияси ва суяк патологияси бўлимини ташкил этиш ва рахбарлик қилиш

· Институт Олимлар кенгаши раисининг муовини

· Диссертацияларни ҳимоя қилиш бўйича Республика илмий кенгаши қошидаги семинар кенгашининг илмий котиби

Касби бўйича эришган натижалари:

1991 йилда ўсмирларда сон суяги туғма чиқишини компрессион-дистракцион усул билан даволаш мавзусида номзодлик диссертациясини ёқлаган. Унинг иштирокида оёқ қийшиқликларини давоалш усули, чақалоқларда сон суяги туғма чиқишини даволаш учун шина, сон суяги проксимал учи дефектларини даволаш учун қурилма, суякларни коррекцияловчи остеотомия қилиш учун компрессияловчи мослама, оёқ кафт суякларини узайтириш учун қурилмалар ва бошқа ишланмалар ишлаб чиқилган. Унинг раҳбарлиги остида 2000 дан ортиқ ўсмирларга ихтисослаштирилган ортопедик ёрдам кўрсатилган. Улардар 500дан ортиқроқ беморларга М.Салиев томонидан мураккаб операциялар ўтказилган.

Узоқ йиллик сайъи ҳаракати натижасида институтда сколиозни оператив даволаш усуллари татбюиқ этилди ва йўлга қўйилди. У томонидан сколиоз касаллигига учраган ўсмирларга 200дан ортиқ юқори технологияли операциялар ўтказилган. Бунинг орқасида институт сколиоз операцияларини бажарувчи Республикадаги етакчи муассасага айланди.

Ўз билим ва маҳоратини Россия (Курган, Новосибирск), Беларус (Минск), Австрия (Зальцбург), Польша (Биалсток), Хитой (Урумчи), Швейцария (Базель)даги йирик чет эл клиникаларида стажировкалар орқали оширган..

Россия, Қозоғистон травматолог-ортопедларининг халқаро форумларида фаол иштирок этган. 2014 йилда Рио де Жанейро (Бразилия)да ўтказилган травматолог-ортопедлар халқаро жамиятининг конгрессида маъруза қилган.

У 1 монография, 96 илмий ишлар, Ўзбекистон Республикаси интеллектуал мулк агентлигининг 15 патенти муаллифи. Унинг рахбарлиги остида 3 та номзодлик диссертациялари ёқланган.